Psa 8 | TVK | STEP | Suv toto Deved iaxa tetisi !O Iahova, hisom be eilep mak mu mili his savsav xil e ut etan! E minehinen te xeihen nam mileluv xol ut nesao.

Psalms 8

Hi miling holesok xil vus e ut etan ladi pe he moletin xil

Suv toto Deved iaxa tetisi

1 !O Iahova, hisom be eilep mak mu mili his savsav xil e ut etan!
E minehinen te xeihen nam mileluv xol ut nesao.
2 Memesien ihat minuk
ixo horamue e tuvava xil.
E melele xa elu nam xil lilonge, litit votei,
e ngan xil xa labit lavae vatelak, meulien nae ivus.

3 Melele xa napus tilang hat xa otepol ni,
e naketeh be nesao napus aveti e hitu xil xa oteling xil ladi e vonine,
4 nanem usil moletin xil tang te ut etan.
?Veneh ma di onem usil xil?
?Veneh ma di olaxat kuh xil?

5 Xouk otepol ni moletin xil labe tellep lali holesok sav xil,
e otesa xeihen e merereen mi xil.
Xouk tasom Hi, obe eilep mak mu mili xil.
6 Oteling holesok xil vus xa otepol ni di pe he moletin xil.
Io, otepol ni xil mei labe vat xil te holesok xil ngasen te ut etan.
7 Lali sipsip, buluk, e vongoro xil vus xa ladi e tan.
8 Lali tuman xil xa di langga e tilang hat.
E lali meseo xil e holesok sav xil vus xa ladi e tas.

9 !O Iahova, hisom be eilep mak mu mili his savsav xil e ut etan!